5 x 11 jaor Vreigeliers

Oppe 11e vanne 11e in 1955 waerdje ós vereiniging opgericht ónger de naam Carnavals Vereniging de Parkieten. Es gae nao ós monument kiektj, zeetj gae det veugelke ouch örges verwirktj. Gauw genóg begós ’t gesjteggel en gevreigel, en waerdje de naam verangerdj in “de Vreigeliers”. Nao 55 jaor heite we nog sjteeds “de Vreigeliers”. 39 Prinse en 49 Jeugdprinse höbbe in die periode geregeerdj of zeen nog aan ’t regere. Woeróm gein 55 Prinse en gein 55 Jeugdprinse? Ós vereiniging haet 2 kieër sjtil gelaege (van 1961 t/m 1971 en van 1977 t/m 1982). Mér de optoch trok aevegood eder jaor door Haele, behalve in ein jaor woedet de sjnieë zoe hoeëg loog, det d’r gein doorkómme aan waas. De Jeugdvreigeliers zeen in 1963 opgerichtj en zeen in 2000 opgenaome ónger de vlag van de “groeëte” Vreigeliers. En wie men zaet, waem de jeugd haet, haet de toekoms.


In 1898 waerdje d'r al gewag gemaaktj van de vastelaovendj in Haele. Dit eindigdje waal op ein trieste meneer, mér toch wole wae uch dit berich neet ónthaoje.






De ieërste Raod van Elf mčt in häör geledere Piet de 1e oftewaal Piet Spee, zeetj ge aafgebeeldj op biegeveugdje foto. Doezendje en doezendje miense höbbe vanaaf die vieftiger jaore genaote van de Vreigelvastelaovendj.










Trots zeen we op ós vereiniging, trots det we zoeväöl jaore Vastelaovendjs plezeer höbbe gebrach en ouch nog gaon bringe toet in lingdje van jaore. Op nao de 66 jaor, mčt net zoeväöl joeks en sjwoeng, wie det noe ouch geit.

Alaaf.


1958: Raod van Elf en de Boerekapel

1965: Optocht

1972: Reseptie Prins Wiel de 1e

1978: Kieke nao 't voetballe vanne Betje Boys op vastelaovesdinsdig